субсидия ариза холатини текшириш
Mehnatni muhofaza qilish sohasidagi xizmatlar bozorining professional ishtirokchilari faoliyati
Shaxsiy jamg’arib boriladigan pensiya hisobvarag’i holati
Pensiya hisobvarag‘i olish
Shu kabi xizmatlar
Obyektni qayta ixtisoslashtirish va rekonstruktsiya qilish uchun ruxsatnoma
Qurilish loyihalarining ekspertizasini o‘tkazish faoliyatini amalga oshirish huquqiga avval berilgan guvohnomani qayta rasmiylashtirish
Kadastr obyektiga ta’qiqni tekshirish
Davlat kadastr reyestridan ko‘chmas mulk bo‘yicha ko‘chirmani tekshirish
Fuqarolarning nomida shaxsiy uy-joyi borligi yoki yo`qligi to`g`risidagi ma’lumotnoma olish
Субсидия ариза холатини текшириш
2019 йил 28 ноябрда қабул қилинган 5886-сонли президент фармонида айрим шахсларга давлат бюджети маблағлари ҳисобидан субсидиялар тўланиши белгиланган, Вазирлар Маҳкамасининг 2020 йил 25 мартдаги 182-сонли қарори билан уй-жой шароитини яхшилашга муҳтож оилалар, оғир ижтимоий вазиятга тушиб қолган хотин-қизлар, мамлакат ижтимоий ҳаётида фаол иштирок этаётган ёшларга уй-жой сотиб олишда субсидиялар тўлаш тартиби тасдиқланган эди.
Давлат хизматлари агентлиги етакчи мутахассиси Аброр Махсудов Kun.uz’га берган интервьюсида субсидиялар билан боғлиқ энг долзарб саволларга жавоб қайтарди.
– Давлат томонидан уй-жой сотиб олиш учун субсидиялар бериш тартиби кучга кирганига ҳам бир йилдан ошди. Ўтган бир йилдан кўпроқ вақт мобайнида ҳамюртларимиздан бу борада кўплар мурожаатлар, саволлар бўлгани табиий. Бундай саволлар таҳририятимизга тез-тез келиб турибди. Суҳбатимиз аввалида субсидиялар ўзи нима ва улар кимларга берилиши ҳақида тўхталиб ўтсангиз.
– Мамлакатимизда уй-жой шароитларини яхшилаш, аҳолининг уйга бўлган талаби кундан кунга ошиб бормоқда. Шундан келиб чиқиб, 2019 йилда 5886-сонли президент фармони қабул қилинди ва шу асосда 2020 йилда Вазирлар Маҳкамасининг 2020 йил 25 мартдаги 182-сонли қарори қабул қилинди. Шу қарорга асосан фуқароларга субсидия, яъни ипотека кредитлари асосида уй-жой сотиб олишда уй-жой қийматининг бир қисмини давлат бюджетидан қоплаб бериш мақсадида субсидия тўлаб бериш тартиби назарда тутилди.
Субсидия нима? Субсидия бу фуқароларимизга ипотека кредитлари асосида, яъни ипотека кредити асосида бўлиши керак, янги қурилган уй-жой бўлиши керак. Янги кўп қаватли уй-жойлардан сотиб олишда улар қийматининг бир қисми давлат бюджетидан тўланадиган, қопланадиган маблағлар ҳисобланади. Эслатиб ўтмоқчиман, фуқаролар субсидияни олгандан сўнг у қайтариб берилмайдиган, яъни давлат томонидан беғараз ажратилган маблағлар ҳисобланади.
– Субсидиялар маблағнинг неча фоизини ташкил этиши мумкин?
– Амалдаги тартибга асосан фуқаролар уй-жой қийматининг 80 фоизини ипотека кредити асосида тўлайдиган бўлса, 20 фоизини ипотека шартномасини тузиш жараёнида, яъни шу вақтнинг ўзида тўлашлари керак эди.
Эндиликда ҳукуматнинг 182-сонли қарорига асосан давлат бюджетидан уй-жой қийматининг 10 фоиз қисмида дастлабки бадал кўринишида субсидиялар ажратилади ва қолган 10 фоизини фуқаролар ўзлари мустақил тўлашлари керак бўлади.
– Субсидия олиш учун ёш чегараси йўқми?
– Амалдаги тартибга асосан 18 ёшга тўлган Ўзбекистон Республикаси фуқаролари субсидия олиш бўйича мурожаат қилишлари мумкин. Ундан ёш фуқаролар бундай ҳуқуққа эга эмас. Бироқ субсидия беришда юқори ёш чегараси қўйилмаган.
– Субсидия олиш учун йилнинг исталган вақтида мурожаат қилса бўладими ёки бу борада қандайдир чеклов ўрнатилганми?
– Ҳукумат қарорига асосан фуқаролар йилнинг 1 мартидан 1 октябрига қадар давлат хизматлари марказлари ёки Ягона интерактив давлат хизматлари портали орқали мурожаат қилишлари мумкин. Ҳар иккала мурожаат усули бир хил кучга эга.
– Субсидия олиш истагида бўлган фуқаро ариза бериш жараёнида қандай маълумотларни тақдим этиши керак?
Унинг оила аъзолари, никоҳ қайд этилгани ҳақидаги гувоҳнома нусхаси, бекор қилинган ёки ҳақиқий эмас деб топилган бўлса тегишли қарор нусхаси, шунингдек, вояга етмаган фарзандлари ҳақида маълумотлар, доимий яшаш жойининг кадастр рақами, шу билан бирга, квартира ёки доимий яшаш жойининг квартира карточкаси, халқ тилида 17-шакл дейиладиган ҳужжат тақдим этилади. Бундан ташқари, ариза берувчи ёки қўшимча ариза берувчининг ойлик даромадлари ҳақидаги маълумотнома илова қилиниши шарт.
– 17-шаклни қаердан олиш мумкин?
– Буни ҳудудий ички ишлар органларидан олишлари мумкин. Mygov.uz порталида ҳам мазкур ҳужжатни электрон тартибда олиш йўлга қўйилган.
– Уй-жойга муҳтож фуқаролар қандай мезонлар асосида аниқланади? Бу борада талаблар ишлаб чиқилганми?
– Ҳукумат қарорида оғир ижтимоий вазиятга тушиб қолган ва уй-жой шароитларини яхшилашга эҳтиёжи бўлган фуқаролар, шунингдек, кам таъминланган оилалар субсидия сўраб мурожаат қилиш ҳуқуқига эга дейилади. Шу тоифага мансуб фуқаролар расмий ойлик даромадга эга бўлмаса ҳам норасмий даромадим бор, ўзимнинг даромадларим етарли бўлмаса ёки умуман даромад олмасам, бошқа шахсларни кафил сифатида кўрсатишим мумкинми деб кўп сўрашади.
Қарорда субсидия сўраб мурожаат қилувчи етарли даражада ойлик даромадга эга бўлмаса аризаси рад этилади, деб белгилаб қўйилган. Яъни ариза берувчи қанчадир миқдорда ойлик даромадга эга бўлиши керак. Доимий, расмий даромад манбаига эга бўлиши керак. Йўқса, рад этилади. Чунки уйнинг тўловини ўн беш йил давомида тўлаб бориш мажбурияти субсидия олган фуқаронинг зиммасида бўлади. Шу мажбуриятни таъминлаш мақсадида ҳам аризачи тўловга қобилиятли эканини тасдиқловчи ҳужжатларни тақдим қилиши керак.
Ипотека кредитлари асосида субсидия олишда қандай мезонлар белгиланган? Биринчи навбатда, маълум миқдорда ойлик даромадга эга бўлиш керак. Бу қарорга асосан, меҳнатга ҳақ тўлашнинг энг кам миқдори 3,8 бараваридан 9 бараварига бўлган миқдорда ойлик даромадга эга бўлиши керак. Агар 9 бараваридан ортиб кетадиган бўлса, субсидия бериш рад этилади. 9 бараваридан ортса, улар ижтимоий кам таъминланган оила ҳисобланмайди. Меҳнатга ҳақ тўлашнинг энг кам миқдори 743 минг 300 сўмни ташкил қилса бугунги кунда, шуни 3,8 га кўпайтирсак, тахминан 2 млн 600 минг сўмдан 6,5 млн.гача атрофида бўлади.
Иккинчиси, турар жой мақоми, яъни номида турар жой бўлмагани ёки ижарада туриши, бировнинг рухсати билан текин фойдаланиш бўйича бошқа турар жойда яшаши, яъни ариза берувчи номида турар жой бўлмаса, бу уларга катта балл беради. Шунингдек, алоҳида ижтимоий аҳамиятга эга бўлган мезонлар, яъни labor migration дастури бўйича меҳнат мигрантларига ёки оғир ижтимоий вазиятга тушиб қолган хотин-қизларга, қарамоғида етим ёки ота-она қарамоғидан маҳрум бўлган болалар бор шахсларга, шунингдек, алоҳида ижтимоий оғир вазиятга тушиб қолган аёлларга ҳам субсидия бўйича балл берилади.
Ариза берувчи ногирон бўлса ёки сурункали оғир касалликларга чалинган ёки сурункали оғир касалликларга чалинган шахсни парвариш қилаётган бўлса, унга қўшимча баллар берилади. Ариза берувчилар ушбу мезонлар асосида баҳоланганда улар мезонларга қараб тегишли маълумотларини тақдим этишади. Комиссия тақдим этилган маълумот ва ҳужжатларни кўриб чиқиб, ариза берувчиларга балл беради. Агар фуқаро камида 30 балл тўплайдиган бўлса, уларга субсидия ажратиш бўйича қарор чиқарилади. 30 баллдан кам бўлса, ариза рад этилади.
– Аризалар қайси органлар томонидан ва муддатда кўриб чиқилиши керак? Субсидия олишни сўраб қилинган мурожаатларни кўриб чиқиш жараёни қанчалик шаффоф? Бу жараёнда коррупцияга йўл қўйилишининг олди олинганми?
– Амалдаги тартибга кўра ҳудудларда туман (шаҳар) ҳокимликлари ҳузурида комиссиялар тузилган. Аризалар Ягона интерактив давлат хизматлар портали ва давлат хизматлари марказлари орқали қабул қилинганидан сўнг ҳудудий комиссияларга юборилади. Ҳудудий комиссиялар таркиби туман ҳокимиятлари, тиббиёт бирлашмалари, туман бандликка кўмаклашиш марказлари, Ёшлар ишлари агентлигининг туман бўлимлари, Маҳалла ва оилани қўллаб-қувватлаш вазирлигининг туман бўлимлари, солиқ органлари ва молия бўлимлари, кадастр органларидан иборат.
Туман тиббиёт бирлашмаси ариза берувчининг ногиронлиги, сурункали касаллиги бўйича баҳо беради. Кадастр органлари фуқаро номида турар жой йўқлиги ёки мақомини аниқлайди. Ички ишлар органлари яшаш жойида неча киши рўйхатда туриши ҳақида, солиқ органлари эса ариза берувчининг даромадлари ҳақида маълумот беради. Тижорат банклари фуқаронинг тўловга лаёқатли эканини аниқлаб берса, туман иқтисодиёт ва молия бўлимлари тегишли маҳаллий давлат ҳокимлиги бюджетларида субсидия ажратишга маблағ бор ёки йўқлиги ҳақида маълумот беради. Аҳоли бандликка кўмаклашиш маркази меҳнат мигранти бўйича фуқаро дастурга киритилгани бўйича, Ёшлар ишлари агентлиги алоҳида ташаббус ёки намуна кўрсатаётган ёш оилалар ёки ёшларга тушадими, шу ҳақда маълумот беради.
Ягона интерактив давлат хизматлари портали тўлиқ тизимлаштирилган. Комиссия ўз ишининг хулосаларини ҳам электрон тартибда тизимга бириктириб боради. Якунлаш учун комиссияга тақдим қилади. Бунда коллегиал орган коллегиал тарзда йиғилади ва таниш-билишчиликка йўл қўйилмайди.
Вазирлар Маҳкамасининг 182-сонли қарорида туман иқтисодиёт ва молия бўлимларига субсидияларнинг мақсадли ва тўғри ажратилиши устидан қатъий жавобгарлик белгиланган. Улар белгиланган тартибда давлат молиявий назорат органлари томонидан назорат қилиб турилади. Шу билан бирга, Давлат хизматлари агентлигининг ҳам бу борада ваколати бор, давлат хизматлари устидан назорат қилиш ваколати бор. Яъни фуқаронинг аризаси асоссиз рад қилинса ёки вақтида кўриб чиқилмаса ёхуд бошқа қонунбузилиш ҳолатлари аниқланса, тегишли тартибда чоралар кўрилади.
– Дейлик, фуқаронинг субсидия сўраб ёзган аризаси қаноатлантирилди. Бундай вазиятда унинг кейинги ҳаракатлари нимадан иборат бўлиши керак?
– Аризаси бир марта рад этилган фуқаро келгуси йили ҳам субсидия олиш учун ариза топшира оладими?
– Кейинги йили ариза топширишлари мумкин. Фақат шу ариза бериш йили давомида қайтадан ариза бера олмайди. Аризаларни онлайн ва офлайн шаклда топширишлари мумкин.
– Қандай ҳолларда ёки қайси сабабларга кўра ариза берувчи субсидия олишда устунликка эга бўлади? Қандай ҳолатларда эса ариза рад этилади?
– Биринчи навбатда, ойлик даромадлари юқорида таъкидлаб ўтилган миқдорлардан паст бўлса, ариза рад этилади. Шу ўринда субсидия олиш истагидаги фуқароларга ўзлари билан бирга яшайдиган оила аъзоларининг ойлик даромадларини ҳам аризаларига қўшимча маълумот сифатида кўрсатишлари мумкинлигини эслатиб ўтмоқчиман. Фақат доимий бирга яшовчиларнинг даромадлари ҳисобга олинади. Бу қарорда белгиланган ва даромадлар қўшилганда 9 баробардан ортиб кетмаслиги керак.
Дейлик, фуқаро 30 баллдан юқори балл тўплаган бўлса-да, унга субсидия ажратилмади. Бу маҳаллий ҳокимият органида субсидия учун ажратилган квота тугаб қолгани билан боғлиқ бўлиши мумкин. Яъни бюджет параметрларида субсидия учун ажратилган маблағ тугаб қолган, лекин фуқаронинг балли ўттиздан юқори. Бундай ҳолатда юқори балл олганлар устунликка эга бўлади, етарли балл тўплаган, бироқ квотага илинмаган фуқароларга кейинги йили биринчилардан бўлиб субсидия ажратилади.
Шунингдек, бир неча фуқаронинг баллари тенг келиб қолса, аммо уларнинг барчасига субсидия ажратишнинг имкони бўлмаса, бундай ҳолатда комиссия томонидан биринчи ариза берганларга субсидия ажратилади. Қолганлар эса кейинги календар йилида субсидиядан фойдаланади, балли куйиб кетмайди.
Субсидия икки хил кўринишда тақдим қилинади. Бошланғич бадал кўринишида уй-жой қийматининг 10 фоизи миқдорида ажратилади. Иккинчидан, фоиз харажатлари миқдорида уй-жой ипотека кредитлари бўйича тўланадиган фоиз харажатларининг 10 фоиздан ошган қисмига беш йил давомида тегишли ҳокимият бюджетлари томонидан ҳар ойнинг 25-санасига қадар ўтказиб берилади.
– Ҳукумат қарорида Молия вазирлиги, Иқтисодиёт ва саноат вазирлиги, Қурилиш вазирлиги ҳамда тегишли ҳокимликлар билан бирга ҳудудларда қуриладиган уй-жойлар сонидан келиб чиқиб, йил давомида ажратиладиган субсидиялар миқдори ҳақида оммавий ахборот воситаларида маълумот бериши кераклиги айтилганди. Афсуски, шу пайтгача ОАВда бундай маълумотларга кўзимиз тушмади. Ўтган йили неча нафар фуқарога субсидия ажратилди? 2021 йилда қанча субсидия берилиши режалаштирилган?
– Ўтган йилги статистикага кўра, фуқаролардан 43933 та ариза келиб тушган. Булардан қарийб 13 мингтаси ижобий ҳал қилинди. Субсидия ажратиш бўйича хабарномалар берилган. 27533 та ариза ижтимоий мезонларга мос келмагани ёки бошқа асосларга кўра низомда белгиланган рад қилиш асосларига кўра рад қилинган.
2021 йил май ойи ҳолатига кўра, 20 мингдан ортиқ ариза келиб тушган, 10 мингдан ортиғи кўриб чиқиш жараёнида, 8 мингга яқини рад қилинган. 2800 га яқин аризага субсидия бериш тўғрисида хабарнома берилган.
Шу билан бирга, Молия вазирлиги, Иқтисодиёт ва саноат вазирлиги, Қурилиш вазирлиги, тегишли органлар томонидан тегишли параметрлар ҳақидаги маълумотлар бериб борилгани йўқ. Тегишли ҳокимиятлар томонидан бизга, яъни Давлат хизматлари агентлигига доимий маълумотлар берилади.
Тегишли ҳудуд маҳаллий бюджетидан ажратилган субсидиялар миқдори тугаган тақдирда 1 октябр ҳолатига етмасдан ҳам ўша ҳудуд учун субсидия қабул қилиш тўхтатилиши ҳақида бизга хабарномалар келиб турибди. Бизга маълумотлар тақдим қилиб борилиши керак. Улардаги тегишли параметрлардаги миқдор тугаганда ДХАга субсидия ажратиш тўғрисида мурожаатларни тўхтатиш ҳақида бизга мурожаат қилишлари керак.
– Ўтган йил субсидия ажратиш жараёнида 30 баллдан ошган, лекин субсидия ажратилмай қолганлардан бу йилга ўтганлари борми?
– Ўтган йилги амалиётимиздан келиб чиқиб айтишимиз мумкин, Самарқанд ва Сурхондарё вилоятларида субсидия ажратиш тўғрисидаги аризалар муддатидан олдин ёпилди. Чунки ўша ҳудудларда ажратилган квота бўйича субсидия параметрлари тугаб қолди. Уларда кўплаб аризалар қолди ижтимоий мезонларга мувофиқ келса ҳам, уларнинг аризаларига бу йил ҳисобидан биринчи навбатда хабарномалар берилган.
– Ҳукумат қарори билан субсидия ажратишда номзодларни танлаб олишда уларга баҳо беришнинг мезонлари ҳам тасдиқланган эди. Ўтган бир йил мобайнида давлат хизматлари марказларига субсидия олиш учун мурожаат қилган, бироқ ижтимоий ҳолати ҳукумат қарори билан тасдиқланган мезонларда кўзда тутилмаган ҳолатлар ҳам учрадими? Дейлик, фуқаро чиндан уй-жойга муҳтож, аммо мезонда унинг ҳолати акс эттирилмаган? Умуман, мана шундай ҳолатларда қандай йўл тутилади?
– Масалан, фуқароларимизда ҳақиқатан уй-жойни яхшилашга эҳтиёжи бор, лекин даромади ижтимоий мезонга тўғри келмайдиган ёки умуман бўлмаганлари бор, уй-жойни яхшилашга эҳтиёжи жуда катта. Шу ҳолатда фуқароларимиздан жуда кўп таклиф келади. Ойлик даромади бўлмаса ҳам учинчи шахсларнинг розилиги худди гаров таъминоти сифатида бошқа воситаларини ҳам ипотека кредитига субсидия бўйича киритишни таклиф қилади.
Бизда умуман даромади бўлмаган, уй-жойни яхшилашга эҳтиёжи жуда катта, бунда учинчи шахсларнинг розилиги худди гаров таъминоти сифатида уларнинг даромадлари ёки бошқа қимматликларни гаровга қўйишни ҳам таклиф қилишади. Ҳозирги тартиб бўйича бу мурожаатлар рад қилинади.
– Фуқароларнинг таклифларини юқори турувчи идораларга етказасизларми?
– Вазирлар Маҳкамасининг 182-сон қарори 2018 йил қабул қилинган бўлса, ҳозиргача унга икки марта ўзгариш киритилди. 5984-сонли президент фармонидан кейин 593-сонли ҳукумат қарори қабул қилинди ва субсидия ажратиш тартибига ўзгартишлар киритилди.
Фуқаролардан келиб тушган таклифларни таҳлил қилиб бориб, келиб чиқаётган муаммолар бўйича таклифларни мазкур тартибга бевосита масъул сифатида Иқтисодий тараққиёт ва камбағалликни қисқартириш вазирлигига бериб борамиз. Яқинда яна бир таклиф бердик.
Тасаввур қилинг, фуқароларимиз аризасида камчилик бўлди-да рад қилинди, сўнг шу йилнинг ўзида қайта ариза бера олмайди. Кейинги йилни кутиши керак. Лекин ижтимоий мезонларга тўғри келади, қандайдир ҳуқуқий билим етишмагани учун, тегишли маълумотнома илова қилинишини билмагани учун камчилик билан аризани юборган. Шу ҳолатда фуқаро аризаси рад қилинган бўлса, яна қайта ариза бериш имкониятини кўриб чиқяпмиз.
– Дейлик, фуқаро асли Ўзбекистоннинг бирор бир вилоятидан. Аммо айни пайтда Тошкент шаҳрида фаолият юритмоқда. Оилали, уй-жойга муҳтож. Бироқ пойтахтда пропискаси йўқ. Бундай вазиятда у субсидия олиш учун қаерга мурожаат қилиши керак? У Тошкент шаҳри ёки вилоятидан уй-жой олишга талабгор бўлиши мумкинми?
– Мазкур тартибда фуқароларимизга субсидия ажратилишида доимий яшаш жойи бўйича ажратилади. Нима учун бундай тартиб йўлга қўйилган? Биринчидан, бизда тегишли Қорақалпоғистон Республикаси кенгашлари, вилоят ҳокимликлари мавжуд.
Улар ўзларидаги бор маълумотлардан келиб чиқиб, тегишли маҳаллий бюджетдан субсидия ажратилишига маблағ тақсимлайди. Бутунлай экстерриториал тартибда йўлга қўйиладиган бўлса, Тошкент шаҳри ёки вилоятда бу нарса кўплаб аризалар келиб тушиши оқибатида улар субсидия ажратиб беришни таъминлай олмасликлари мумкин.
Жамшид Ниёзов суҳбатлашди.
Субсидия ариза холатини текшириш
Давлат хизматлари марказлари ва ФҲДЁ органларининг манзиллари, иш кунлари ва телефон рақамлари ҳақидаги маълумотларни Давлат хизматлари агентлигининг расмий веб-сайти: https://davxizmat.uz/ орқали олишингиз мумкин.
Ўзбекистон Республикаси Вазирлар Маҳкамасининг 2020-йил 10-январдаги 18–сон қарори билан тасдиқланган Фуқароларнинг Руҳий касалликлар бўйича диспансер ҳисобида туриши ёки турмаслиги тўғрисида маълумотнома бериш бўйича давлат хизмати кўрсатишнинг маъмурий регламенти билан тартибга солинади.
Маъмурий регламентларнинг 5–бандларида ариза берувчи давлат хизматидан фойдаланиш учун Давлат хизматлари марказига ўзи келиб мурожаат этади ёки давлат хизматларидан электрон тарзда фойдаланиш учун ЯИДХПда рўйхатдан ўтади.
Бунинг учун “Коммунал хизматлар” хизматидан фойдаланиб, кўрсатилган коммунал хизматлар учун тўловлар баланси билан танишиш мумкин. Бошқа уй-жойнинг коммунал хизматлар учун ҳисоблари ҳолатини кўриш учун шахсий кабинетдаги “Кўчмас мулк” бўлимида кадастр рақамини киритиб, “Коммунал хизматлар”дан фойдаланганда “Бошқа уйни танлаш” опцияси белгиланади. Шунингдек, онлайн тўлов тизимлари орқали ҳам тўлаш имконияти мавжуд, бунинг учун тегишли коммунал хизмат қаторидаги “Тўлаш” тугмаси босилади.
Солиқ тўловчининг идентификация рақами (СТИР)ни билиш учун “СТИРни аниқлаш”хизматидан фойдаланиш мумкин. Керакли маълумотларни тўлдириб, сиз ўз СТИР маълумотларингизни топишингиз, уларни репозиторийда сақлаб, солиқ тўловчи ҳисобга қўйилганлиги тўғрисидаги маълумотномани юклаб олишингиз мумкин. Агарда сизда СТИР бўлмаса, уни олиш учун “Жисмоний шахслар учун солиқ тўловчининг идентицикация рақами (СТИР)ни олиш” хизматидан фойдаланишингиз мумкин.
Солиқ тўловчининг идентификация рақами (СТИР)ни билиш учун «Шахсий жамғариб бориладиган пенсия ҳисобварағи ҳолати ҳақида маълумот олиш” хизматидан фойдаланилади. Маълумотлар Ўзбекистон Республикаси Давлат солиқ қўмитаси маълумотлар базаси асосида реал вақт тартида акс эттирилади.
Автотранспорт воситасини боғлаш учун “Менинг профилим”га, кейин “Автотранспорт” бўлимига ўтинг ва “Қўшиш” тугмасини босинг. Сиздан автотранспортнинг давлат рақами ҳамда гувоҳномасининг серия ва рақамини кўрсатиш талаб қилинади.
Шундан сўнг Сиз “Автотранспорт воситалари ҳақида маълумот” хизмати воситасида онлайн тартибида автотранспорт ҳақидаги умумий маълумотлар, суғурта полиси ва жарималар билан танишиш имконига эга бўласиз.
Бунинг учун “Шифокор қабулига ёзилиш” хизматига киринг ҳамда манзил ва керакли даволаш муассасасини кўрсатинг. Шундан сўнг муассасанинг шифокорлари рўйхати чиқади, ундаги маълумотлар асосида улардан кераклиси, қулай вақт ва сана белгилангач, тизим навбатга чипта рақамини беради. Қабулхонада навбатни тасдиқлаш учун чиптанинг рақамини кўрсатишингиз керак.
Сиздан ҳудуд ва туман ҳақидаги маълумотларни кўрсатиш, мактабгача таълим муассасаси (МТМ)ни танлаш талаб этилади, шундан сўнг МТМ, ундаги гуруҳлар ва бўш жойлар ҳақидаги асосий маълумот акс этади. Тегишли гуруҳ танланиб, бола ҳақидаги маълумотлар автоматик тарзда тўлдирилиши учун унинг туғилганлик тўғрисидаги гувоҳномаси серияси ва рақами киритилади, сўнгра боланинг онаси ҳақидаги маълумотлар тўлдирилиб, ариза юборилади. Ариза Ўзбекистон Республикаси Мактабгача таълим вазирлиги томонидан кўриб чиқилгач, МТМга йўлланма берилади.
Аризани топширгандан сўнг давлат МТМга болаларни қабул қилиш навбатини тегишли хизмат орқали текшириш мумкин. Бунинг учун аризанинг рақами ва суратдаги ҳимоя коди киритилади.
Субсидиялар камдаромадлилар ва уй-жой шароитини яхшилашга эҳтиёжмандларга берилади, унинг берилиш тартиби Уй-жой сотиб олиш учун фуқароларга субсидия тўлаш тартиби тўғрисидаги низомни тасдиқлаш ҳақидаги қарор билан тартибга солинади.
Кадастр паспорти — ҳуқуқ эгасига бериладиган кўчмас мулк объекти, унинг ҳуқуқий эгаси, кўчмас мулк объектига ҳуқуқлари, объектнинг баҳолаш қиймати ва кадастр рақами ҳақида умумий маълумотлар жамланган электрон ҳужжат.
Кадастр паспорти Қорақалпоғистон Республикаси, вилоятлар ва Тошкент шаҳри давлат ер тузиш ва кўчмас мулк кадастри корхоналари филиаллари томонидан, кадастр иши шакллантирилиши, шунингдек, кўчмас мулк объектлари манзиллари ўзлаштирилиши, ўзгартирилиши натижалари бўйича (талаб бўйича) берилади. Уни олиш учун “Кадастр паспортини шакллантириш” хизматидан фойдаланиш мумкин.
2021 yil uchun subsidiya kimlarga va qay tartibda beriladi? (+video)
Joriy yilning 1 martidan 2021 yil uchun daromadi yuqori bo‘lmagan va uy-joy sharoitlarini yaxshilashga muhtoj fuqarolarga subsidiyalar ajratish jarayonlari boshlab yuborildi.
Quyida siz subsidiya nima, kimlarga beriladi, uni olish uchun qanday ma’lumotlar taqdim qilinishi kerak, shuningdek, qayerga murojaat etilishi to‘g‘risidagi savollarga javob topasiz.
Subsidiya – daromadi yuqori bo‘lmagan shaxslarga ipoteka kreditlari asosida uy-joy sotib olishlari uchun boshlang‘ich badal yoki kredit foiz to‘lovlarining bir qismini qoplab berish maqsadida davlat byudjetidan ajratiladigan mablag‘.
Subsidiyalar faqatgina ariza beruvchining ro‘yxatdan o‘tgan hududi bo‘yicha beriladi.
Bunda qishloq joylarda birinchi 5 yil davomida ipoteka krediti bo‘yicha foiz to‘lovlari bilan bog‘liq xarajatlarni qoplash uchun 10 foizlik punktdan oshgan qismiga, shaharlarda esa dastlabki badalning bir qismini to‘lash bilan bog‘liq xarajatlarni qoplash uchun uy-joy qiymatining 10 foizi miqdorida mablag‘ to‘lanadi.
Bu turdagi subsidiyalar faqatgina 18 yoshdan oshgan uy-joy sharoitini yaxshilashga muhtoj oilalarga, og‘ir ijtimoiy holatdagi xotin-qizlarga, mamlakat ijtimoiy hayotida faol yoshlarga va shu toifadagi O‘zbekiston fuqarolariga ajratiladi.
Fuqaro mehnat migranti bo‘lsa, uning nomidan oila a’zolari ham ariza berishi mumkin.
Subsidiya ariza topshirgan har bir talabgorga berilavermaydi.
Bunda mas’ul tashkilotlar vakillaridan shakllantirilgan maxsus komissiya tegishli mezonlar asosida ariza beruvchi tomonidan taqdim etilgan hujjatlarning haqqoniy ekanini baholaydi.
Baholashda talabgor va uning oilasi daromadi, turar-joy maqomi, ijtimoiy himoyaga muhtojligi, shuningdek, oilada nogironligi mavjud bo‘lgan shaxslar inobatga olinadi.
Yuqori ball to‘plagan arizachilarga subsidiya beriladi.
Eslatib o‘tamiz, subsidiya olish uchun arizani Davlat xizmatlari markazlariga tashrif buyurib yoki my.gov.uz portali orqali elektron tarzda yuborishingiz mumkin.
Subsidiya olish quyidagi hujjatlar talab etiladi:
– oila a’zolarining pasporti va nikoh qayd etilganligi guvohnomasi (to‘liq oila va voyaga yetgan farzandi(lari) bo‘lganda) va farzandlarining tug‘ilganlik haqidagi guvohnomalari (agar voyaga yetmagan bo‘lsa) nusxasi;
– nikoh bekor qilinganligi haqidagi guvohnoma yoki nikoh haqiqiy emas deb topilganligi to‘g‘risidagi sud qarori (nikoh qayd etilgan hollarda) va oilaviy holati to‘g‘risida FHDYo organlari arxividan ma’lumotnoma nusxasi (nikoh qayd etilmagan hollarda);
– doimiy yashash joyidan kadastr raqami va turiga tegishli ma’lumotlar;
– doimiy yashash joyidan uy daftarining yoki kvartira kartochkasining (17-shakl bo‘yicha) nusxasi;
– ariza beruvchi va birgalikda qarz oluvchilarning daromadi hamda ushlab qolingan daromad soliqlari haqida ma’lumotnoma (qo‘shimcha daromadlar bo‘lsa soliq deklaratsiyasi).
Subsidiya olishda eng qulayi – Elektron hukumatning my.gov.uz portali orqali ariza yuborish.
Ijobiy javob olingan taqdirda fuqaro o‘z tanloviga ko‘ra subsidiyani uy-joy sotib olish uchun boshlang‘ich badal yoki kredit foiz to‘lovlarining bir qismini qoplashga qaratilgan mablag‘ shaklida olishi mumkin bo‘ladi.
Ma’lumot uchun, Ipoteka kreditlari bo‘yicha subsidiya olish uchun ariza berish muddati: 2021 yilning 1 martidan 1 oktyabrigacha. Bu muddat o‘tganidan keyin taqdim etilgan arizalar ko‘rib chiqilmaydi.